Регель қызғалдағы
<p style="text-align: justify;">Алматыдағы Ботаникалық бақта сирек кездесетін Регель қызғалдағы гүлдеді. Шу-Іле тауларының тасты және жартасты беткейлерінде өсетін эндемикалық гүл еліміздің Қызыл кітабына енген.</p>
Регель қызғалдағы аппақ әрі күлтесінің түп жағы сарғыш түстілігімен көз тартады. Ботаникалық бақ топтамасына осыдан он жыл бұрын шамасында әкелініп, Альпинарий коллекциялық аймағына отырғызылған қызғалдақтың жалғыз жапырағы тарақ тәрізді тарам-тарам жолақты әрі гофрленген мата тәрізді болып келеді.
Көктем айында Ботаникалық бақта Регель қызғалдағынан басқа сирек кездесетін Леммерс, Грейг қызғалдағы, пияз түрлері мен басқа да көптеген өсімдік гүлдейді. Осыған орай жасыл-желекті бақтың ғалымдары келушілер үшін жабық коллекциялық учаскеге экскурсиялар ұйымдастырып, табиғаттың ерекше тартуымен бөлісуді дәстүрге айналдырған.
АЛМАТЫ