Вице-министр сауда орталықтарындағы Wi-Fi сапасын сынады

<p style="text-align: justify;">Цифрлық даму, инновациялар және аэроғарыш өнеркәсібі вице-министрі Асхат Оразбек елдегі интернеттің сапасына қатысты пікір білдірді, деп хабарлайды <a href="/" target="_blank" rel="noopener noreferrer">Egemen.kz</a>.</p>

Асхат Оразбек еліміздегі сауда орталықтарындағы интернеттің сапасы сын көтермейтінін, сондай-ақ, өзі де мұндай байланыс мәселесіне тап болғанын айтты.

«2027 жылға дейін мерзім берілген. Мен де сіздер сияқты байланыс мәселесіне тап болдым. Қоғамдық тамақтану орындарында немесе ірі сауда орталықтарында Wi-Fi желілері сапалы өткізілмеген. Осы мәселені қолға алып, шешімін табуымыз керек деп ойлаймын. Бүгін Сенат мақұлдаған заң жобасы аясында ірі сауда ойын-сауық орталықтары мен бизнес орталықтары Wi-Fi желісін орнатуға міндеттеледі. Біз мұны қадағалаймыз. Дәмханаға немесе сауда орталығына барған әр азамат сапалы интернетке қол жеткізуі керек», деді ол.

Қырмызы ЖҰМАҒАЛИҚЫЗЫ,

ЕҰУ студенті