Бүгін елімізде суық ауа райы сақталады
<p style="text-align: justify;">«Қазгидромет» РМК 27 мамырда Қазақстан аумағында болатын синоптикалық жағдай мен қауіпті ауа райы құбылыстары туралы болжамын жариялады, деп хабарлайды <a href="/" target="_blank" rel="noopener noreferrer">Egemen.kz</a>. </p>
Бүгін ел аумағының басым бөлігінде күн райына циклон және онымен байланысты суық атмосфералық ағындар әсер етеді. Соған байланысты түнде жауын-шашын болып, елдің шығысында, солтүстік-шығысында қатты жаңбыр күтіледі. Тек республиканың оңтүстігінде ауа райы ашық, жауын-шашынсыз болады. Республика бойынша екпінді жел соғып, найзағай ойнайды, солтүстікте, орталықта бұршақ жаууы мүмкін, түнде оңтүстік-шығыста тұман күтіледі.
Түнде Ақмола, Қарағандының батысында, Ұлытау облысының солтүстігінде, Солтүстік Қазақстан облыстарында, Түркістан облыстарының таулы аудандарында 1-2 градус үсік жүреді.
Қостанайдың оңтүстігінде, батысында, Атыраудың оңтүстігінде, Қызылорданың шығысында, Батыс Қазақстан облыстарының батысында, оңтүстік-батысында, Абай облысының орталығында жоғары өрт қаупі күтіледі.
Абай облысының оңтүстігінде, Жетісу облысының шығысында, Түркістан облысының шөлді аймақтарында өте жоғары өрт қаупі күтіледі.