Ақтөбеде жаппай төбелес болып, бір жігіт көз жұмды

<p style="text-align: justify;">27 мамырдан 28 мамырға қараған түні Ақтөбеде жаппай төбелес болып, 9 жігіт аурухана жеткізілді, деп жазады <a href="/" target="_blank" rel="noopener noreferrer">Egemen.kz</a>.</p>

Бірнеше жерден пышақ және оқ жарақатын алған 18 жастағы тұрғын жан сақтау бөлімінде көз жұмды.

Түнде Жедел медициналық көмек ауруханасына жеткізілген өзге 18-22 жас аралығындағы жігіттер де пышақ және оқ жарақаттарын алған.

Қалалық полиция басқармасы осы іске қатысы бар деген 4 күдіктіні ұстады.

«Күдіктілер уақытша ұстау изоляторына қамалды. «Адам өлтіру», «Бұзақылық» деректері бойынша қылмыстық іс тіркеліп, сотқа дейінгі тергеп-тексеру басталды», деді Ақтөбе облысы Полиция департаментінің баспасөз хатшысы Ерболат Сарқұлов.