Ортақ іске арналған отырыс
<p style="text-align: justify;">Беларусь астанасы Минск қала­сында екі ел Үкімет басшы­лары­­ның бірінші орынбасарлары Роман Скляр мен Николай Сноп­ков­тың төрағалығымен сауда-эко­но­ми­ка­лық ынты­мақтастық жөнін­­­дегі Қазақ­стан-Беларусь Үкімет­ара­лық комис­сиясының 18-оты­рысы болды.</p>
Іс-шараға екі елдің жауапты мемлекеттік органдарының өкілдері қатысты. Нәтижесінде, өнеркәсіп, көлік, құрылыс, білім және ғылым сияқты негізгі салалардағы ынтымақтастық үшін жаңа мүмкіндіктер ашатын хаттамаға қол қойылды.
Қазақстан мен Беларусь өнеркәсіптік кооперацияны одан әрі нығайтудың үлкен әлеуетіне ие болғандықтан, өнеркәсіп саласындағы өзара іс-қимылға ерекше назар аударылды. Екі ел экономикасы үшін маңызды саналатын көлік және құрылыс саласындағы бірлескен жобалар да айқындалды.
Білім және ғылым саласындағы бірлескен жұмыс жас ғалымдар мен мамандар үшін жаңа мүмкіндіктер ашады. Тәжірибе мен инновациялық идеялар алмасуға ықпал етеді.