Disney қазақша сөйледі
<p style="text-align: justify;">Әйгілі Disney мен Pixar компаниялары «Ойжұмбақ 2», Disney студиясы «Моана 2», «Муфаса: Арыстан патша» анимациялық фильмдерін өз қаражатына қазақ тіліне аударды.</p>
Disney жыл сайын әр фильмнің түрлі тілдердегі 30-ға жуық нұсқасын дайындайды. Қазақ тілінің осындай ірі тілдер қатарына қосылуы – айтарлықтай оқиға. Халықаралық «Қазақ тілі» қоғамы аталған фильмдерді қазақ тіліне аудару бастамасын қолдады.
Сонымен, «Ойжұмбақ 2» анимациялық фильмі 13 маусымнан, «Моана 2», «Муфаса: Арыстан патша» фильмдері қараша айынан бастап еліміздегі барлық кинотеатрларында көрсетіле бастайды.
Ал Алматыда 11 маусым күні сағат 18.30-да Mega ойын-сауық орталығында Disney және Pixar студияларының «Ойжұмбақ 2» анимациялық фильмінің қазақ тіліндегі көрсетілімі өтеді.