Зейнеткерлердің пәтерін тартып алумен айналысқан заңгерлер ұсталды
<p style="text-align: justify;">Қарағанды облысының полицейлері зорлық-зомбылық көрсетіп зейнеткер, мүмкіндігі шектеулі азаматтардың пәтерін тартып алумен айналысқан қылмыстық топты ұстады, деп жазады <a href="/" target="_blank" rel="noopener noreferrer">Egemen.kz</a>.</p>
Заңгер, адвокат, нотариустан құралған қылмыстық топ 14 пәтерді заңсыз рәсімдеген. Олар көбіне егде жастағы кісілер мен есірткіге тәуелді адамдардың мүлкін қолды етіп отырған.
«13 мамыр күні тінту іс-шараларын жүргізу барысында әртүрлі жылжымайтын мүлік пен тұлғалардың жеке деректеріне қатысты көптеген құжат тәркіленді. Қылмыстық топтың 28 мүшесі ұсталды. Олардың осындай басқа да қылмыстарға қатысы бар-жоғы тексеріліп жатыр. Аса ірі мөлшердегі алаяқтық фактісі бойынша тергеу басталды», деді ІІМ ұйымдасқан қылмысқа қарсы күрес департаментінің өкілі Қуандық Алпыс.
Істі тергеп-тексеру кезінде қылмыстық топтың бір мүшесі деструктивті діннің жақтаушысы екені анықталды.