Бельгияның премьер-министрі отставкаға кетті
<p style="text-align: justify;">Бельгияның федералды парламентіне сайлау кезінде Flemish Open Vld партиясы аз дауыс жинады. Осыған байланысты партияның жетекшісі, қазіргі премьер-министр Александр Де Кро отставкаға кету туралы шешім қабылдады, деп хабарлайды <a href="/" target="_blank" rel="noopener noreferrer">Egemen.kz</a>.</p>
Кеше Бельгияда Еуропарламент пен федералды және аймақтық деңгейдегі өкілді органдардың сайлауы өтті.
Фламандық бөлік бойынша сайлауда Барта Де Вевераның «N-VA» (Жаңа Фламандтық альянсы) ұлтшыл партиясы жеңіске жетті.
«N-VA» жарғысы баптарының бірі тәуелсіз Фландрияны құруды мақсат етеді. Көші-қонға қарсы әсіре оңшыл партия Vlaams Belang N-VA-дан сәл артта қалды, бірақ болжамдарға қарамастан, Фландриядағы ұлтшылдарды қуып жете алмай келеді.
Премьер-министр А.Кроның либералды Open VLD партиясы Бельгияның солтүстігінде жеңіліп қалды (сайлау нәтижесі 10%-дан төмен болды).
Валлонияда жергілікті социалистердің тасы өрге домалап келеді. Ал Брюссельде французтілді либералды «MR» партиясы жеңіске жетті.
Александр Де Кро сайлау жеңімпаздары N-VА, «Флаамс Беланга» және Бельгиядағы французтілді «MR» партияларының жақтастарын құттықтады.