Өскеменде полиция қызметкерін балағаттаған тұрғын жазаланды
<p style="text-align: justify;">Өскемен қаласының тұрғыны әлеуметтік желіні пайдалана отырып, мемлекеттік қызметкерді қорлағаны үшін жазаланды, деп хабарлайды <a href="/" target="_blank" rel="noopener noreferrer">Egemen.kz </a>соттың баспасөз қызметіне сілтеме жасап.</p>
№2 қалалық соттың баспасөз қызметі хабарлағандай, тұрғын Я.-ны 9 сәуірде сағат 21:00 шамасында Өскемендегі Белинский, Бажов көшелерінің қиылысында полиция қызметкерлері тоқтатқан. Өзінің қызметтік міндеттерін орындау кезінде полиция қызметкері К-ге жүгінген, тұрғын өзін әдепсіз ұстаған. Кейін полиция қызметкерін қорлаған бейнежазбаны TikTok әлеуметтік желісіне орналастырған.
Сотталушы Я. өз кінәсін толық мойындап, жасаған ісіне өкінді. Сот оған 80 сағаттық қоғамдық жұмыстар түрінде жаза тағайындады.