Қарағандыда «Jumys Tap» әлеуметтік жобасы іске қосылды
<p style="text-align: justify;">Қарағанды облысында жұмыс табу мүмкіндіктері кеңейіп жатыр. «Jumys Tap» әлеуметтік жобасы бойынша әрбір адам тегін жеделдетілген курстарда жаңа мамандықты меңгере алады, деп хабарлайды <a href="/" target="_blank" rel="noopener noreferrer">Egemen.kz.</a></p>
«Бүгінде біз мансап орталықтарында ресми тіркелген жұмыссыз азаматтарға ғана әлеуметтік қолдау көрсетсек, «Jumys Tap» жобасы аясында біз жұмысқа орналасу жағдайына, жасына және тіркеуіне қарамастан оқытып, жұмысқа орналасуға көмектесе аламыз», деді Қарағанды облысының жұмыспен қамтуды үйлестіру және әлеуметтік бағдарламалар басқармасы басшысы Әсем Жүніспекова.
Қазіргі таңда өтінімдерді қабылдау жүріп жатыр. Оқу курстары 1 тамызда бес колледждің базалық негізінде басталады. Ұйымдастырушылардың мәліметтеріне сүйенсек, 48 кәсіпті таңдауға болады: тігінші, шаштараз, шиномонтажшы, электр газбен дәнекерлеуші, сайт әзірлеуші, бейнемонтажер, мобилограф және тағы басқалары. Оқыту бағдарламасы бизнеспен бірге Еңбек нарығының стандарттары мен талаптары бойынша әзірленген.
Айта кетерлігі, мұнда тәжірибеге баса назар аударылады. Оқыту қорытындысы бойынша жобаға қатысушылар мемлекеттік үлгідегі сертификат алады.