Мереке күндері ХҚКО-лар қалай жұмыс істейді?

<div class="description" style="text-align: justify;">«Азаматтарға арналған үкімет» мемлекеттік корпорациясы ХҚКО мен арнайы ХҚКО-лар мереке күндері қалай жұмыс істейтінін түсіндірді. Астана күнін мерекелеуге байланысты сенбі, 6 шілдеде орталықтар жұмыс істемейтіні айтылды, деп хабарлайды <a href="/" target="_blank" rel="noopener noreferrer">Egemen.kz</a>.</div>

Сондай-ақ дүйсенбі, 8 шілде күні тек кезекшілік қызмет көрсету орталықтары мен арнайы қызмет көрсету орталықтары сағат 9:00-13:00 аралығында жұмыс істейді.

«9 шілдеден бастап халыққа қызмет көрсету орталықтары әдеттегідей жұмыс істейді», делінген хабарламада.

Кезекшілік қызмет көрсету орталықтары дүйсенбіден жұмаға дейін сағат 9:00-ден 20:00-ге дейін және сенбі күні 9:00-ден 13:00-ге дейін жұмыс істейді. Кезекші арнайы қызмет көрсету орталықтары жұмыс күндері сағат 9:00-ден 18:00-ге дейін, сенбі күні сағат 13:00-ге дейін қызмет көрсетеді.

Еске салайық, шілде айында ел азаматтары Астана күнін мерекелеуге байланысты үш күн демалады: 6,7,8 шілде.