Кешігіп жеткен жолдама
<p style="text-align: justify;">Бокстан әйелдер құрамасы Париж жазғы Олимпия ойындарына әзірлікті Алматы маңында өткізіп жатыр. Елдос Сайдалин баптайтын боксшылар Жаңашар аулындағы базада екі апталық жаттығу жиынын өткізді.</p>
Бас бапкер шәкірттерін демалысқа аттандырып, 9 шілдеде қайтадан жаттығу жиыны басталатынын жеткізді. «Қыздар бабына еніп келеді, 21 шілдеге дейін соңғы жаттығуды өткізіп, Парижге аттанамыз. Лицензия иеленген Назым Қызайбай (50 кг), Карина Ибрагимова
(57 кг), Валентина Хальзова (75 кг) зор жауапкершілік жүктелгенін сезініп отыр. Оларға спарринг өткізіп, шыңдай түсу үшін тағы үш боксшы барады. Бізге жүктелген міндет – боксшыларды зар күйінде додаға қосу», деді Е.Сайдалин.
Үш боксшы да жазғы Олимпия ойындарына алғаш рет ат байлап, додаға қосылады. Екі дүркін әлем чемпионы Назым Қызайбай – 14 жылдан бері ұлттық құраманың мүшесі. 31 жастағы боксшыға Олимпиаданың лицензиясы енді бұйырып отыр.