Пайдалы кәсіп
<p style="text-align: justify;">Жерасты суын өңдеп, ыдыстарға құйып са­ты­лымға шығару қос та­рапқа да пай­да­лы: кәсіпкер үшін – табыс көзі, тұты­ну­­шы үшін –құнарлы, таза ауызсу. Маң­ғыс­­тау ауданының Тұщыбек аулында іс­ке қосылған су құтылау цехы аталған ай­­мақ­­тағы жерас­ты суын халық игілігіне ұсын­бақ.</p>
Кәсіпкер Ерлан Әбдірахмановтың «Қайнар су» белгісімен шығарған өнімі көпшілік сұранысын өтейді. Кәсіпорында пластик құтыны қыздыратын, үретін, тазалайтын, ыдыстарға су құятын, қақпақпен аузын бекітетін, сыртына тауар белгісін жапсыратын аппараттар қойылған. «Күніне 1 500 литр шамасында суды арнайы ыдыстарға құйып дайындаймыз. Сұранысқа қарай одан да көп мөлшерде өнім өндіруге су қоры жеткілікті», дейді су шығару шебері Марғұлан Сүгіров.
«Кәсіпкерлікті қолдау арқылы жаңа жұмыс орындарын ашу – бүгінгі күннің талабы. Нәсібін кәсіптен тапқан кәсіпкерлер бастамасына барынша қолдау көрсету керек», дейді Маңғыстау ауданының әкімі Ғалымжан Ниязов.
Маңғыстау облысы