Мәслихат депутаттарымен кездесті
<p style="text-align: justify;">Сенат депутаты Сағындық Лұқпанов Атырау облысындағы Құрманғазы ауда­нында болып, кәсіпкерлермен және аудандық мәслихат депутаттарымен кездесті. Депутат ауданға сапар барысында 60 пәтерлі тұрғын үй құрылысымен де танысты.</p>
Аймаққа сапары барысында ол мәслихат депутаттарымен кездесіп, жоғары заң шығарушы органның жұмысымен таныстырды, палата қызметінің қорытындылары туралы айтып берді. Сонымен бірге өткен сессия барысында қабылданған заңдардағы негізгі жаңалықтар туралы жан-жақты құлағдар етілді.
Бұдан бөлек, кездесу барысында жергілікті тұрғындарды толғандыратын мәселелер де талқыланды. Мәслихат депутаттары денсаулық сақтау және жол саласындағы заңнаманы жетілдіру, өңірді ауызсумен қамтамасыз ету туралы ұсыныстарын білдірді.
Бұдан кейін сенатор өңірдегі шағын ауылдарда болып, ондағы тұрғындармен кездесті, елді мекендердің проблемаларымен танысты. Депутат Атырау облысындағы ауылдардың өзекті мәселелері үнемі назарында екенін, оларды шешу жөніндегі жұмысты жалғастыра беретінін атап өтті.