Әлемдік додаға дайындық
<p style="text-align: justify;">Футзалдан Қазақстан ұлттық құрамасының бас бапкері Пауло Рикар­до Кака биыл күз­де өтетін әлем чемпиона­тына қатысатын ойын­шылардың кеңейтілген құрамын жария етті.</p>
Бас бапкердің таңдауы мына футзалшыларға түсті: Қақпашылар – Игита, Нарун Серіков, Қанат Жеткірбаев, Ерасыл Шарапиденов. Қапталдағы ойыншылар – Дуглас, Альберт Акбаликов, Біржан Оразов, Дәурен Тұрсағұлов, Лео, Азат Валиуллин, Шыңғыс Есенаманов, Абдурасул Абдуманапұлы, Арнольд Кнауб, Қайрат Иманалин, Төрехан Досов, Жаһангір Рәшит, Нұрқанат Бақтияров, Ринат Төреғазин, Ақжол Дәрібай, Семен Тарасенко және Дамир Қайырбай.
Футзалшыларымыз оқу-жаттығу жиынының алғашқы кезеңін 5–18 тамыз аралығында Алматыда өткізеді. Екінші жиын 5 қыркүйекте Астанада басталады. Содан кейін жерлестеріміз Алатау баурайында қайта бас қосады да, одан әрі Өзбекстанға аттанады. Сол аралықта бірнеше жолдастық кездесу өткізу жоспарланып отыр. Ал әлем чемпионаты 14 қыркүйек пен 6 қазан аралығында Ташкент пен Самарқан қалаларында өтеді. Топтық турнирде Қазақстан құрамасы Испания, Ливия және Жаңа Зеландиямен күш сынасады.