Көкшетауда көпқабатты үйден 70 адам эвакуацияланды

<p style="text-align: justify;">Түнде Көкшетауда Ж.Жабаев көшесі бойындағы көппәтерлі тұрғын үйлердің біріндегі кіреберісте электр сымдарының алаусыз қысқа тұйықталуы болды, деп хабарлайды <a href="/" target="_blank" rel="noopener noreferrer">Egemen.kz.</a></p>

Оқиға 15 тамызға қараған түні болған. Жоғарғы қабаттарға тараған қалың түтінге байланысты ТЖД қызметкерлері баспалдақпен 70 адамды, оның ішінде 16 баланы шұғыл эвакуациялаған.

Кейінірек құтқарушылар түтін шығару жұмыстарын жүргізіп, тұрғындар пәтерлеріне оралған. Осы ретте Төтенше жағдайлар министрлігі электр желілерінің жағдайын үнемі диагностикалау қажеттігін еске салды.