Дзюдошы Ерғали Шәмей Паралимпиада ойындарында алтынға таласады

<p style="text-align: justify;">Қазақстан пара дзюдошысы Ерғали Шәмей  2024 жылы Парижде өтіп жатқан додада финалға өтті, деп хабарлайды <a href="/" target="_blank" rel="noopener noreferrer">Egemen.kz</a>. </p>

Дзюдошы 73 келіге дейінгі салмақта J1 класында өнер көрсетеді.

Туризм және спорт министрлігі баспасөз қызметінің хабарлауынша, Ерғали Шәмей Германия өкілі Ленарт Сассты 10:1 есебімен жеңді.

Бұған дейін Франциядағы пара дзюдодан өткен жарыстың ширек финалында Шәмей жергілікті спортшы Арминдо Родригесті сенімді түрде жеңген болатын.

Айта кетейік, 5 қыркүйек күні дзюдошы Ақмарал Науытбек ел қоржынына алтын медаль салған еді.