Дәстүрлі садақ атудан екі отандасымыз жүлделі болды

<p style="text-align: justify;">Дәстүрлі садақ атудан «Жамбы» нысанасы бойынша Жәнібек Құлмырзаев пен Бақберген Сәлімов қола жүлдеге қол жеткізді. Бұл туралы Туризм және спорт министрлігі хабарлады, деп жазады <a href="/" target="_blank" rel="noopener noreferrer">Egemen.kz</a>.</p>

Бұған дейін «Пута» нысанасы бойынша әйелдер арасында Айкөркем Батихан да қола жүлдеге ие болған еді.

Ал ерлер арасында Қасымхан Қанат қола медаль иеленсе, Жәнібек Құлмырзаев алтын медаль алды.

«Қалқан» нысанасы бойынша өткен жарыста Қасымхан Қанат қола жүлде алса, Ербол Тапенов күміспен күптелді.

Осымен V Дүниежүзілік көшпелілер ойындарында жамбы ату бойынша жарыстар аяқталды. Бұл бәсекеде ел мергендері командалық есепте көш бастады. Жарыстар 8-11 қыркүйек аралығында қазақ, мажар, түрік және корей стилі бойынша өтті.

Отандық садақшылар ел қоржынына 2 алтын, 3 күміс және 1 қола жүлде салды.