Өзбекстанда аз қуатты АЭС құрылысы басталады

<p>Өзбекстан мен Ресей Өзбекстанда салынатын аз қуатты АЭС-тің құрылыс алаңындағы жұмыстарды бастау жөніндегі хаттамаға қол қойды, деп хабарлайды <a href="/" target="_blank" rel="noopener noreferrer">Egemen.kz</a>  Kazinform-ға сілтеме жасап.</p>

Айта кетейік, «Өзатом» агенттігі жанындағы Атом станциясын салу дирекциясы мен «Росатомға» бағынысты «Атомстройэкспорт» АҚ маусымда дайындық жұмыстарын жүргізіп, тамызда АЭС құрылысшылары тұратын қалашық салуды бастаған болатын.

«Енді еліміздегі АЭС жобасын іске асырудың белсенді кезеңі басталады. Хаттамаға қол қою көп ұзамай маңызды нысанның құрылыс жұмыстарын бастауға жол ашады», деді «Өзатом» агенттігі жанындағы Атом станциясын салу дирекциясының директоры Отабек Аманов.