Жамбыл облысында ірі жол апатынан жеті адам қаза тапты
<p style="text-align: justify;">Қайғылы жағдай 16 қыркүйекте сағат 18:30 шамасында «Батыс Еуропа-Батыс Қытай» республикалық маңызы бар автожолының 526-шақырымында болған, деп хабарлайды <a href="/" target="_blank" rel="noopener noreferrer">Egemen.kz</a>.</p>
Cadilak Escalade жүргізушісі басып озу кезінде қарсы бағытқа шығып кетіп, қарсы бағытта келе жатқан DAF жүк көлігімен және өз жолағынан шығып, Газель көлігімен соқтығысқан. Соқтығыс салдарынан екі көлік өртеніп кеткен.
«Жол апатынан 37 жастағы Газель жүргізушісі, 30 жастағы Cadilak Escalade жүргізушісі және оның 5 жолаушысы, оның ішінде екі жасар бала оқиға орнында көз жұмды», деп хабарлады Жамбыл облысы полиция департаментінің баспасөз қызметі.
Аталған оқиғаға қатысты сотқа дейінгі тергеу амалдары басталғаны хабарланды.