Құрлықтық хоккей лигасы: «Барыс» алғашқы ойында жеңіске жетті
<p style="text-align: justify;">Ресейде өтіп жатқан Құрлықтық хоккей лигасында, алғашқы ойында «Автомобилист» командасына қарсы ойнаған отандық хоккейшілер 2:1 есебімен жеңіске жетті, деп хабарлайды <a href="/" target="_blank" rel="noopener noreferrer">Egemen.kz</a>.</p>
Екатеринбург хоккейшілерімен өткен ойында қазақстандық команда жылдамдық танытты. Ойынның 27 секундында елордалық хоккейші Кирилл Савицкий алғашқы голын соқты.
Екінші айналымда ресейліктер де қапы қалмай, Ники Меркли есепті теңестірді. 1:1 есебімен аяқталған негізгі кезеңнен кейін ойын овертаймға ұласты. Овертаймда Майкл Маклауд отандық ойыншылардың пайдасына екінші голды салды. Осылайша «Барыс» командасы қарсыласын 2:1 есебімен ұтып, жеңіске жетті.
Енді отандық команда екі ойынды сырт айдында ойнайды. 19 қыркүйекте «Ак Барс» (Қазан), 21 қыркүйекте «Витязь» (Подольск) командаларымен кездеседі.