Демократия нышаны
<p style="text-align: justify;">Референдум – «Халық үніне құлақ асатын мемлекет» тұжырымдамасының айқын көрінісі. Маңыз­ды мәселені көп болып шешу, дұрыс таңдау жасау маңызды. Алғашқылардың бірі болып Медеу ауданында орналасқан №378 референдум учаскесінде дауыс бердім.</p>
Жалпы, дамыған елдерде өзекті мәселені осындай ауқымды кеңесу арқылы талқыға салу жиі кездеседі. Мысалы, Швейцарияда кейінгі он жылда 18 рет референдум болыпты. Американың азаматтары референдумға өте белсенді қатысады. Ең маңыздысы – олар әрбір сұраққа дайындалып, сол мәселені зерттейді. Әрбір сұрақтарына жауап дайындап, жауап алған соң барып дауыс береді. Меніңше, елімізде өзге де референдумдар алда әлі көп болмақ. Өйткені біз – демократиялық мемлекетпіз. Халық болып референдумда дауыс беруге үйренгеніміз маңызды. Жалпы, азаматтарымызда референдум мәдениеті болу керек. Мұндай саяси науқандардағы азаматтық белсенділігіміз қалыптасқан елге айналғанымыз абзал.
Ақылбек КҮРІШБАЕВ,
Ұлттық ғылым академиясының президенті