ШҚО-да алаяқтар бірнеше пәтерді заңсыз иемденген

<p style="text-align: justify;">Шығыс Қазақстан облысы ПД ұйымдасқан қылмысқа қарсы күрес басқармасының қызметкерлері алаяқ риелторларды ұстады, депи хабарлайды <a href="/" target="_blank" rel="noopener noreferrer">Egemen.kz</a>.</p>

Күдіктілер ішімдікке бейім тұрғындардың пәтерлерін заңсыз иемденген. Тінту жұмыстары барысында жедел уәкілдер жылжымайтын мүлік объектілерінің құжаттарын, жеке тұлғалардың дербес деректерін, сондай-ақ, заттай айғақтарды тәркілеген.

Polisia.kz-тің жазуынша, жәбірленушілерге келтірілген жалпы залал 60 млн теңгеден асады. Полицияға жеткізілген 4 күдіктінің ұқсас қылмыстарға қатысы бар-жоғы анықталып жатыр. Тергеу жұмыстары аса ірі мөлшердегі алаяқтық фактісі бойынша жүзеге асырылады.