Ғалымдар тәжірибе алмасты
<p style="text-align: justify;">Абай атындағы Қазақ ұлттық пе­да­го­ги­калық университеті халық­­­­­ара­лық ынтымақтастықты ке­ңей­ту, педагогикалық тә­жі­рибе ал­­масу мақсатында же­тек­ші ­ше­­тел­­дік ғалым­дар­ды шақырған бо­ла­­тын. Ғылым және жоға­ры білім министр­лігінің қолдауы­мен­ іске асқан іс-шара ба­ры­­сын­да шетел­дік ға­лым­­дар мен оқыту­шылар өз тә­жі­­­­ри­­­бе­сімен бөлісті.</p>
Бурса Улудаг университетінің профессоры Салих Чепни, Трабзон университетінің профессоры Муаммер Чалих (Түркия) және Окаяма университетінің профессоры Хироки Фуджи (Жапония) университеттің жаратылыстану және география факультетінің білім алушыларына дәріс пен семинар өткізіп, оқытушылармен, жас ғалымдармен тәжірибе алмасты.
Педагогикалық тәжірибе мен озық инновациялармен алмасу алаңын қалыптастыруда шетелдік ғалымдармен өзара байланыс орнату заманауи білім технологияларын енгізуге, жаңа формациядағы бәсекеге қабілетті мамандарды даярлауға ықпал етеді. Университеттің бастамасымен ғалымдар Ораз Жандосов атындағы №105 гимназияда болып, университет пен мектеп арасындағы байланысты нығайта түсті.
Сапар барысында шетелдік профессорлар еліміздегі мектептердің күнделікті қызметімен танысып, оқушылармен және ұстаздармен білім жүйесінің ерекшеліктерін талқылап, оқу үрдісінде қолданылатын инновациялық тәсілдерді зерделеді.
Абай университетінің бастамасы отандық мектеп оқушылары мен мұғалімдеріне халықаралық сарапшылармен білім және тәжірибе алмасуға бірегей мүмкіндік берді. Шетел профессорларының пікірінше, тәжірибе алмасу кәсіби дамуға ықпал етіп, қатысушылардың көкжиегін кеңейтіп, заманауи білім беру озық әдіс-тәсілдерін тереңірек түсінуге жағдай жасайды.
Университет басшылығы мұндай іс-шаралар әртүрлі дамыған елдің білім мекемелері арасындағы ынтымақтастықты нығайтуға ықпал ете отырып, бірлескен ғылыми және білім жобалары үшін жаңа бағыттарға жол ашады деген сенімде. Бұл бастамалар халықаралық байланыстарды нығайтып қана қоймай, жоғары оқу орындары мен мектептердегі білім сапасына оң әсер ететін инновациялық білім технологияларын енгізуде де тиімділігін көрсетпек.
АЛМАТЫ