Мұқтаж жандардың қуанышы
<p style="text-align: justify;">Шарбақты ауданында жаңа тұрғын үйлер пайдалануға беріл­ді. Заманға сай салынған бас­па­налар мұқтаж жандарға бұйыр­ды. Ғимараттарды жеке тұл­ға өз қаржысына салып, кейін олар облыстық бюджет қара­жаты есебінен сатып алынған. Үш бөлмелі пәтерлер заманауи тех­нологиялар қолданыла отырып тұрғызылып, озық инже­нерлік ком­муникациялармен жабдық­тал­­ған.</p>
Өңір басшысы Асайын Байханов қоныс иелерін көптен күткен баспаналарымен құттықтады.
– Азаматтарымызды қолжетімді баспанамен қамтамасыз ету – мемлекеттің басты мақсаттарының бірі. Биылғы жылы бизнес пен мемлекеттің өзара іс-әрекеті аясында біз кезекте тұрған жандарға 800 пәтер, соның ішінде облыстың 10 ауданында 313 пәтер сатып аламыз. Пәтерлерді сатып алу тәжірибесін келесі жылдары да жалғастырамыз, – деді облыс әкімі.
Сондай-ақ Шарбақтыда жалпы аумағы 1 680 шаршы метрді, мұз аренасы 1 440 шаршы метрді құрайтын жаңа жабық хоккей корты ашылды. Спорт нысаны ауыл тұрғындарының өтінішімен, аудан тұрғыны, кәсіпкер, облыстық мәслихаттың депутаты Виталий Соломкиннің қолдауымен бой көтерді. Ауыл тұрғындары өңірдің әл-ауқатын жақсартуға бағытталған маңызды жобалардың іске асырылып жатқанына дән риза екендерін жеткізді. Мұндай бастамаларға әлеуметтік жауапкершілігі жоғары, белсенді азаматтық ұстанымы бар бизнестегі азаматтардың мұрындық болғаны қуантады.
Павлодар облысы,
Шарбақты ауданы