«Alash» балалары Түркияда топ жарды
<p style="text-align: justify;">24–29 қазан күндері Түркияның Белек қаласында «Belek International Youth Cup 2024» халықаралық турнирі өтті. Додаға Түркия, Өзбекстан және елімізден барған бірнеше команда қатысты.</p>
Турнирге Астананың «Alash» командасы 2013–2014 және 2015–2016 жылы туған балаларды алып барды. Жарыс ережесіне сәйкес командалар «А» және «В» тобы болып екіге бөлінді. Әр топтағы 6 команда бір-бірімен жасыл алаңда өзара кездесіп, 4 мықтыны анықтады. Нәтижесінде, «Alash»-тың екі бірдей командасы жартылай финалға шықты.
Финалға берілер жолдама үшін «Alash»-тың 2015 жылғы балалары Астананың БЖМОРСМ-8 командасына пенальти сериясы арқылы (негізгі уақыт 1:1) есе жіберді. Ал 3-орын үшін өткен матчта «Rukh» командасынан 3:1 есебімен басым түсті. 1-орынды БЖМОРСМ-8 командасы иеленсе, 2-орыннан Түркияның «Manavgat Akademi» жасөспірімдері көрінді.
«Alash»-тың 2013–2014 жылғы балалары өздерінен бір-екі жас үлкен балалармен терезесі тең өнер көрсетті. Финалда Түркияның «Altin Shoshuk» командасын 2:0 есебімен жеңген алаштықтар Анадолы елінде топ жарды. Үздік үштікті Өзбекстанның «Oxbridge» футболшылары қорытындылады.