Ақтауда қатты жел аялдаманы ұшырып әкеткен

<p style="text-align: justify;">Ақтауда қатты жел көтеріліп, аялдама павильонын қиратқан. Салдарынан қала тұрғыны дене жарақатын алған, деп хабарлайды <a href="/" target="_blank" rel="noopener noreferrer">Egemen.kz</a>.</p>

Әлеуметтік желіде пайда болған алдын ала мәлімет бойынша, Ақтаудағы бірінші шағын ауданда аялдама кешені опырылып түскен. Куәгерлер оқиғаны видеоға түсіріп алған.

Маңғыстау облыстық Полиция департаментінің баспасөз қызметі оқиға 5 қараша күні болғанын хабарлап, түсініктеме берді.

«Нәтижесінде бір адам зардап шегіп, облыстық ауруханаға жеткізілді. Сапасыз құрылыс фактісі бойынша қылмыстық іс қозғалған. Тергеу амалдары жүргізіліп жатыр», деп хабарлады өңірдің Полиция департаменті.