Өңірлік қауіпсіздік жөнінде пікір алмасты
<p style="text-align: justify;">Мәскеу қаласында Қазақстан Республикасы мен Ресей Федерациясы қауіп­сіз­дік кеңестерінің аппараттары арасында кеңейтілген жоспарлы консульта­ция­лары өтті.</p>
Қазақстан Республикасы Қауіпсіздік Кеңесінің хатшысы Ғизат Нұрдәулетовтің және Ресей Федерациясы Қауіпсіздік Кеңесінің хатшысы Сергей Шойгудың төрағалығымен өткен келіссөздер барысында өзара ынтымақтастықтың өзекті мәселелері талқыланды.
Тараптар халықаралық терроризм мен экстремизмге қарсы іс-қимыл секілді өңірлік қауіпсіздік мәселелері, сондай-ақ Каспий аймағындағы ахуалдың қазіргі жай-күйі мен даму келешегі жөнінде пікір алмасты.
Консультациялар Қазақстан Республикасы және Ресей Федерациясы қауіпсіздік кеңестерінің аппараттары арасында қабылданған ынтымақтастық жоспарына сәйкес тұрақты түрде ұйымдастырылады.
Жиын қорытындысы бойынша 2025–2027 жылдарға арналған ынтымақтастық жоспарына қол қойылды.