Норвегия - Қазақстан ойынын қайдан көруге болады
<p style="text-align: justify;">Бүгін футболдан Қазақстан ұлттық құрамасы Норвегиямен ойнайды. Ұлттар лигасының соңғы турындағы бұл ойын Ослода өтеді, деп хабарлайды <a href="/" target="_blank" rel="noopener noreferrer">Egemen.kz</a>.</p>
Ойын Қазақстандағы уақытпен сағат 22:00-де басталады. Тікелей эфирде QazSport арнасы көрсетілім таратады.
Норвегия ойындағы айқын фаворит саналып отыр. Қыркүйек айында Алматыда өткен ойында екі құрама 0:0 есебімен тең тарқасқан еді.
Ұлттар лигасының В дивизионындағы 3-топта Қазақстан 5 ойыннан 1 ұпай ғана жинады. Ал 10 ұпай жинаған Норвегия мен Аустрия құрамалары бірінші орынға таласып тұр. Словенияда 7 ұпай бар.
Станислав Черчесов жаттықтыратын Қазақстан құрамасы Ұлттар лигасында әлі бірде-бір гол соққан жоқ.