Отандасымыз конькимен жүгіруден жеңімпаз атанды

<p style="text-align: justify;">Виталий Щиголев конькимен жүгіруден Жапонияның Хатинохе қаласында өтіп жатқан Төрт құрлық чемпионатында жеңімпаз атанды, деп хабарлайды <a href="/" target="_blank" rel="noopener noreferrer">Egemen.kz.</a></p>

Ол ерлер арасындағы масс-стартта мәреге бірінші болып жетті. Ұлттық құрама спортшысы соңғы секундтарда екі канадалық Давид ла Рун мен Хейден Майерден озып кетті. Бұл – Қазақстан құрамасының Жапония өтіп жатқан сайыстағы үшінші жүлдесі.

Еске сала кетейік, Виталий 2022 жылы Канаданың Квебек қаласында өткен Төрт құрлық чемпионатында 5 мың метрге жүгірісте жеңіске жеткен еді.