Бұлбұл әншіге арналған марка
<p style="text-align: justify;">«Қазпошта» КСРО ха­лық әртісі, Қазақстан мәдениетінің өркендеуіне елеулі үлес қосқан көр­некті опера әншісі Би­бігүл Төлегенованың ту­ға­нына 95 жыл толуы­на орай пошта маркасын шығарды. «Естелік және мерейтойлық даталар» сериясындағы марка – бес маркадан тұратын пошта блогі. Марка 4 түсті бояумен офсеттік үлгіде басып шығарылған. 5000 данамен таралған марканың номиналы – 450 теңге.</p>
Бибігүл Төлегенова – шебер орындаушы ғана емес, сонымен қатар тәлімгерліктің озық әдістерін меңгеруімен Қазақстанның музыка мәдениетінің дамуында маңызды рөл атқарған талантты педагог. Ол әлемнің ең танымал сахналарында өнер көрсетіп, мәдениеттердің жақындасуына еңбек сіңірді, елінің мәдени мұрасына баға жетпес үлес қосты.
«Қазпошта» коллекциясы тағы бір жарқыраған гауһар – Бибігүл Төлегенованың 95 жылдығына арналған мерейтойлық маркамен толықтырылды. Біз Бибігүл Ахметқызына Дүниежүзілік пошта одағының 150 жылдығына арналған маркасын бастыру рәсіміне арнайы қатысқаны үшін алғысымызды білдіреміз. Бұл – біз үшін үлкен мәртебе. Атаулы марка – ол кісінің отандық мәдениетті, музыканы, сахналық шығармашылықты дамытудағы маңызды рөліне құрмет», деп атап өтті «Қазпошта» АҚ баспасөз қызметі.
Бибігүл Төлегенованың шығармашылығы тұтас ұрпаққа өнеге болып, шабыттандырып келеді. Ол – әлемнің үздік сахналарында өнер көрсетіп жүрген опера әртістері мен музыканттарының бірнеше буынын тәрбиелеген жан.
АЛМАТЫ