Оқушылардан жаңа жылдық кешке ақша жинауға рұқсат етіле ме
<p style="text-align: justify;">Оқу-ағарту министрі Ғани Бейсембаев мектептердегі жаңа жылдық кештерге ақша жинауға қатысты пікір білдірді, деп хабарлайды <a href="/" target="_blank" rel="noopener noreferrer">Egemen.kz</a>.</p>
«Біз бұрын айтқанымыздай, «мектептерде ақша жинау» деген болмауы керек. Мен осы және басқа да іс-шараларға байланысты пікірімді үнемі айтып отырамын. Бұған министрліктің бұйрығымен де тыйым салынады. Бұл жаңа жылдық іс-шараларға да, шыршаларға да қатысты. Кез-келген іс-шараларды ақша жинамай өткізуге болады. Сонымен қатар қазір барлық іс-шаралар «Бір тұтас тәрбие» бағдарламасы аясында жоспарланған», деді Ғани Бейсембаев.
Сондай-ақ министр кез келген іс-шара балаларды тек көңіл көтеруге емес, тәрбиелеуге бағытталу керек екенін баса айтты.