Елімізде ауа райы -20 градусқа дейін төмендейді
<p style="text-align: justify;">«Қазгидромет» РМК баспасөз қызметі Қазақстандағы 5-7 желтоқсан аралығына арналған ауа райы болжамын ұсынды, деп хабарлайды <a href="/" target="_blank" rel="noopener noreferrer">Egemen.kz</a>. </p>
Синоптиктердің болжауынша, елімізде қар жауып, бұрқасын күтіледі, оңтүстік облыстарда жауын-шашын (жаңбыр, қар) және көктайғақ болады. Еліміздің батысында антициклонның әсерінен жауын-шашынсыз ауа райы сақталады.
«Сондай-ақ ауа температурасының төмендеуі күтіледі: түнде республиканың батысында 7-12 градус аязға дейін, солтүстік-батыста 13-18 градусқа дейін, солтүстікте, республика орталығында 15-20 градусқа дейін төмендейді, республиканың оңтүстігі мен оңтүстік-шығысында 3-8 градус аяз, таулы аймақтарда 10-16 градус аяз болады», деп хабарлады «Қазгидромет».