Абай облысы мемлекеттік сатып алу басқармасының басшысы тағайындалды
<div class="section__header"> </div> <div class="section__content fill_w" style="text-align: justify;">Олжас Құрманбек Абай облысы мемлекеттік сатып алу басқармасының басшысы болып тағайындалды, деп хабарлайды <a href="/" target="_blank" rel="noopener noreferrer">Egemen.kz</a> облыс әкімдігінің баспасөз қызметіне сілтеме жасап.</div>
Олжас Құрманбекұлы 1986 жылы 23 наурызда Шығыс Қазақстан облысы Өскемен қаласында дүниеге келген. 2008 жылы ҚазГЗУ Алматы заң академиясында «Құқықтану» мамандығын, 2011 жылы Абай атындағы Қазақ Ұлттық педагогикалық университетінде «Менеджмент» мамандығын, 2013 жылы «Құқықтану» мамандығы бойынша ҚР Президентінің жанындағы Мемлекеттік басқару академиясының магистратурасын тәмамдаған.
Еңбек жолын 2008 жылы ҚР Бәсекелестікті қорғау Агенттігінің іс жүргізу жөніндегі инспекторы болып бастаған.
Астана қаласында ҚР Ұлттық ғарыш агенттігі заң басқармасының сарапшысы және бас сарапшысы болып жұмыс атқарған.
2014-2020 жылдары «Самұрық-Қазына Ұлттық әл-ауқат қоры» АҚ-да заң департаментінің бас заңгері, сатып алу әдіснамасы қызметінің басшысы лауазымдарында еңбек еткен.
2021-2022 жылдары Алматы қаласы әкімі аппараты бірыңғай персоналды дамыту қызметінің бас инспекторы, 2022 жылы Алматы қаласы әкімі аппараты бірыңғай персоналды басқару қызметінің бас инспекторы қызметтерін атқарған.
Тағайындалғанға дейін Абай облысы әкімі аппараты басшысының орынбасары болған.