Семейде көлік өзенге құлап кеткен: бір мәйіт табылды
<p style="text-align: justify;">ТЖМ құтқарушылары Семейде іздестіру-құтқару жұмыстарын жалғастырып жатыр, деп хабарлайды <a href="/" target="_blank" rel="noopener noreferrer">Egemen.kz</a> ТЖМ баспасөз қызметіне сілтеме жасап.</p>
«Сағат 09:00-де іздеу тобы қайтыс болған адамның денесін тауып, судан алып шықты. Ол одан әрі тергеу әрекеттерін жүргізу үшін полиция органдарына берілді. Қазіргі уақытта құтқару операциясына: 55 құтқарушы, 5 жүзу құралы, 2 ұшқышсыз ұшу аппараты, су асты іздеуге арналған эхолот, 10 техника жұмылдырылған», делінген хабарламада.
Айта кетейік, операцияны күшейту үшін қосымша Қасым Қайсенов атындағы 68303 әскери бөлімнің қызметшілері тартылған. Сондай-ақ Шығыс Қазақстан облысынан да құтқару бөлімшелері қосылады деп күтіледі.
Естеріңізге сала кетейік, бүгін таңғы сағат 06:00-де Ертіс өзенінің жанындағы Бейбітшілік аралында жеңіл автокөлік бетон қоршауға соғылып, өзенге құлап кеткен. Апат кезінде көлікте 4 адам болған. Жолаушылардың бірі көліктен өздігінен шығып, жағаға жүзіп шыққан.