Қазақстанның 9 азаматы Ресейде жол апатына ұшырады
<p style="text-align: justify;">Оқиға Самара облысы аумағындағы Самара – Большая Черниговка тасжолының 101-шақырымы тұсында болған, деп хабарлайды <a href="/" target="_blank" rel="noopener noreferrer">Egemen.kz</a>.</p>
Бұл туралы ақпарат 5 қаңтарға қараған түні түскен. Апат салдарынан 2-еуі қайтыс болған (олардың мәйіті Қазақстанға жеткізілді). 7-еуі зардап шеккен, оларда орташа ауырлық дәрежесіндегі жарақаттар тіркелген.
7 қаңтар күні таңертең зардап шеккен 7 адам, оның ішінде 2 бала жедел жәрдеммен Оралдағы қалалық және облыстық көпсалалы ауруханаларға жеткізілген.
ТЖМ мәліметінше төтенше жағдайлар департаменті мен облыстық денсаулық сақтау басқармасынан 23 адам және 8 бірлік техника тартылған автоколоннаны Оралдан шекара өткеліне дейін және қарсы бағытта алып жүру үшін облыстық полиция департаментінің қызметкерлері жұмылдырылған.