Науқастарға тегін дәрі-дәрмек беру жүйесіне өзгеріс енгізіледі
<p style="text-align: justify;">Антикор Абай облысының денсаулық сақтау саласын сыбайлас жемқорлық тәуекелдеріне тексеру барысында «СК-Фармация» ЖШС медициналық препараттарды уақытылы жеткізбейтінін анықтады, деп жазады <a href="/" target="_blank" rel="noopener noreferrer">Egemen.kz</a>.</p>
Мұндай жағдай тегін дәрі-дәрмек тапшылығын тудырып, пациенттерді өз қаражатын жұмсауға итермелейді. Ал медициналық мекемелер нақты жағдайды жасыру үшін «жалған рецептер» жазып отырған. Құжаттарға сәйкес науқастар дәрі-дәрмекпен толық қамтамасыз етілмегені белгілі болған.
«Талдау қорытындысы бойынша Абай облысының барлық емханаларында Денсаулық сақтау министрлігінің «Әлеуметтік әмиян» қосымшасында QR-код арқылы пациенттерге тегін дәрі-дәрмек беру жүйесі енгізілді. Қазіргі уақытта бұл - дәрі-дәрмектерді алудың балама әдісі, алайда ол қазірдің өзінде оң нәтиже көрсетіп жатыр», делінген Антикор хабарламасында.
QR-код арқылы пациенттерге тегін дәрі-дәрмек беру пилоттық жобасының қорытындысы оң әсер байқатса, жүйені ел көлемінде енгізу жоспарланып отыр.