Алматы облысында 18 көлік соқтығысқан ірі жол апаты болды
<p style="text-align: justify;">Бүгін 7: 30 шамасында «Алматы-Өскемен» автожолының 28 шақырым учаскесінде 18 көлік қақтығысқан ірі жол апаты болды, деп жазады <a href="/" target="_blank" rel="noopener noreferrer">Egemen.kz</a>.</p>
«ҚазАвтоЖол» компаниясы апат қалың тұман салдарынан болғанын мәлім етті.
Алдын ала мәліметтер бойынша жүргізушілер тұман кезінде жылдамдық пен қауіпсіз арақашықтықты сақтамаған.
«Оқиға болған жол учаскесі ІА техникалық санатқа жатады, 6 жолақты. Жолдың жүру бөлігі құрғақ, ақаусыз және бөгде заттар болмаған», делінген «ҚазАвтоЖол» түсініктемесінде.
Жол-көлік оқиғасынан зардап шеккендер мен қаза тапқандар жоқ. Оқиғаның өзге де мән-жайы анықталып жатыр.
Компания сағат 9: 25 шамасында 18 көліктің 16-сы жол бойынан шығарылғанын хабарлады. Қалған 2 көлік эвакуатор қызметін күтуде.