Сирияға террористік ұйым басшысы президент болды
<p style="text-align: justify;">Сириядағы төңкерісшіл топтың көсемі Ахмед аш-Шараа «ауыспалы үкімет кезеңінде» елдің жаңа президенті болып жарияланды. Бұл жөнінде «Әл-Арабия» және Таяу Шығыстағы өзге де ақпарат құралдары хабарлады, деп жазады <a href="/" target="_blank" rel="noopener noreferrer">Egemen.kz</a>.</p>
Мохаммад әл-Джулани ретінде танылған аш-Шараа жетекшілік ететін қарулы топ «Хайат Тахрир аш-Шам» – АҚШ, Батыс елдері мен Ресейде, сонымен қатар Қазақстанда террористік ұйым ретінде танылған.
Аталған топ қарашаның соңы – желтоқсанның басында Башар Асад диктатурасына қарсы қарулы бүлікке шығып, нәтижесінде Асад режимі құлады. Асадтың өзі Мәскеуге қашып, аш-Шараа іс жүзінде елдің жаңа басшысына айналған.
Айта кетейік, Аш-Шараа бұған дейін ауыспалы кезеңнен кейін тұрақты үкімет сайлау нәтижесінде жасақталуы керек деп мәлімдеген, алайда ауыспалы кезең қанша уақытқа созылатынын айтқан жоқ.