Қысқы Азия ойындары: Бүгін кімдер жүлдеге таласады?

<p style="text-align: justify;">Қытайдың Харбин қаласында ІХ қысқы Азия ойындарында топтық, жұптық сындар басталды, деп жазады <a href="/" target="_blank" rel="noopener noreferrer">Egemen.kz</a>.</p>

Туризм және спорт министрлігі бүгін жүлдеге таласатын ел спортшыларының тізімін жариялады:

Жарыс күні 7:00-де керлингтен басталды. Аралас жұпта қытайларға қарсы Әзизбек Нәдірбаев пен Әмина Сейітжанова бақ сынайды.

Шайбалы хоккейден ел намысын қорғайтын құрама ерлері мұз айдынына 13:00-де Таиландқа қарсы шығады.

Шайбалы хоккейден әйелдер құрамасы да Таиланд спортшыларымен өзара кім мықтыны анықтайды. Бұл бәсеке 16:30-ға жоспарланған.

Айта кетейік, ІХ қысқы Азия ойындары аясындағы барлық сайысты Qazsport арнасы тікелей эфирде ұсынады.