Өртеніп жатқан көліктен екі адамды құтқарған азамат марапатталды
<p style="text-align: justify;">2 ақпан түнде Астанада екі көлік соқтығысып, салдарынан өрт шыққан, деп жазады <a href="/" target="_blank" rel="noopener noreferrer">Egemen.kz</a>.</p>
Есіл ауданындағы жол-көлік оқиғасы болған жерден өтіп бара жатқан Алтай Мырзабаев дереу өртті сөндіріп, адамдарды құтқаруға кіріскен.
Осылайша, ол соққыдан қысылған екінші көліктегі екі адамды аман-есен қауіпсіз жерге алып шыққан.
Ал 112 қызметі өртті толық сөндіріп, зардап шеккендер жедел медициналық жәрдем бригадасына тапсырылған.
Қысыл-таяң шақта адам өмірін арашалап қалған азаматты Төтенше жағдайлар министрі, генерал-майор Шыңғыс Әрінов «Төтенше жағдайдағы ерлігі үшін» төсбелгісімен марапаттады.
Құтқарушы Алтай Мырзабаев та Қазақстан Республикасы Үкіметінің Аппараты Қорғаныс және құқықтық тәртіп бөлімінің бас инспекторы қызметін атқаратыны белгілі болды.