Ақтөбеде тасқынға тосқауыл қоймаған директор сотталды
<p style="text-align: justify;">Ақтөбе облысына қарасты Хромтау ауданының прокуратурасы «Мағаджан» плотинасының жарылуына қатысты қылмыстық іс бойынша мемлекеттік айыптауды қолдады, деп хабарлайды <a href="/" target="_blank" rel="noopener noreferrer">Egemen.kz.</a></p>
Ақтөбе облысының прокуратурасы хабарлағандай, іс материалдарына сәйкес, басқарушы компания болып табылатын ЖШС-нің директоры пайдакүнемдік мақсатта суды ағызу бойынша шаралар қабылдамаған. 2024 жылы 4 сәуірде бөгет жарылып нәтижесінде Табантал, Қызылту, Бесқоспа ауылдарын су шайып, азаматтардың мүліктеріне және инфрақұрылымға зиян келген.
«Хромтау аудандық сотының үкімімен сотталушы ҚК-нің 254-бабымен (Мiндеттерiне адал қарамау) бойынша кінәлі деп танылып, 3 жылға су шаруашылығы саласында жұмыс істеуге тыйым салумен, 2 жыл 6 ай мерзімге бас бостандығын шектеу жазасына сотталды» делінген хабарламада.
Үкім заңды күшіне енген жоқ.