Британия музейіндегі сәукеле
<p style="text-align: justify;">Ұлыбритания ұлт­тық музейінің жә­дігерлер топтамасында сақ­таулы тұрған бұл сәу­келе хал­қымыздың сан­ғасыр­лық киім мә­де­ние­­тінің өзгешелігін, ба­сқа халықтардан да­ра екенін дәлелдеп тұр­­ғаны сөзсіз.</p>
Аталған жәдігер 1926 жылы Жетісу жерінен сатып алынып, Миссис Т.Каллин есімді азаматтың көмегімен музейге тапсырылған. Матадан (мақтадан) тігіліп, киізбен айшықталған, алтын-күмістен әшекей салынып, інжу-маржандармен көмкерілген бұл баскиім қай елдің көрмесінде тұрса да, сәулетін асыратынына талас жоқ.
Жәдігердің түсіндірмесінде «Қырғыз бен қазақ қыздары үйлену тойы күні немесе некенің алғашқы жылы тұңғышы дүниеге келгенге дейін маңызды мерекелерде сәукеле деп аталатын сәнді баскиім киіп жүретін болған. Жібекпен қапталған конустық құрылым алтын жалатылған элементтермен, інжу-маржандармен, моншақтармен, амулетикалық маржан жіптерімен, күміс түйіршіктермен безендірілген. Кестеленген панель қалыңдықтың өрілген шаштарын жасырып тұруға арналған» делінген.