Ауа райына байланысты екі облыста көлік қозғалысы шектелді

<p style="text-align: justify;">Жамбыл және Жетісу облыстарында ауа-райының қолайсыздығына байланысты қозғалыс шектелді, деп жазады <a href="/" target="_blank" rel="noopener noreferrer">Egemen.kz</a>.</p>

Жамбыл облысында ауа райының қолайсыздығына (қар, боран, көрінудің шектелуі) байланысты «Алматы-Ташкент-Термез» тасжолының Кенен ауылынан Благовещенко ауылына дейінгі аралығында автокөліктің барлық түрі үшін жол қозғалысы шектелді.

Көлік қозғалысы ескі Қордай асуы арқылы жүзеге асуда.

- Жетісу облысында ауа райының қолайсыздығына (боран, көрінудің шектелуі) байланысты «Үшарал-Достық» күре жолының Көктұма бекетінен Достық бекетіне дейінгі аралықта автокөліктің барлық түрі үшін қозғалысқа шектеу енгізілді, - делінген хабарламада.