Саха жазушыларының сыйлығы
<p style="text-align: justify;">Алматыдағы Ғ.Мүсірепов музей-үйінің экспозициясына саха жазушыларының Ғабеңе берген сыйлығы – кездік қынымен қойылған. Кездік пілдің сүйегінен жасалған. Сыртқы бөлігіне жүрек тәріздес оюлар және түрлі-түсті өрнектер түскен.</p>
Кездіктің түсі – ашық қоңыр. Сабының жоғарғы бөлігінде «Якутия. 50 лет ЯАССР» деген жазу бар. Жүзінің екі жағы екі түрлі. Бір жағы дөңестеніп жасалса, екінші жағына ойық түскен. Жүзіне кигізілген қынының ұзындығы – 15 см. Жоғарғы тұсына «Г.М.Мусрепову от Якутских писателей» деген жазба түскен. Қынына жіп өткізетін тесік жасалған. Жалпы бағасы – 57 сом, 80 тиын екендігі көрсетілген. Кездіктің жалпы ұзындығы – 26 см; сабының ұзындығы – 11 см, ені – 3 см; жүзінің ұзындығы – 12 см.
Якут пышағы – осы халықтың музыкалық аспабы хомус, гауһар тастар және батырлық эпосымен қатар ең танымал ұлттық бренді. Кездік – ұл бала дүниеге келген кезде салтанатты және айтулы күндерге берілетін құнды және естелік сыйлық. Ол ерекше құрметті, өте сыйлы, ең сенімді адамдарға берілетін болған. Яғни бұл сыйлық якут жазушыларының Ғабеңе деген құрметін, ыстық ілтипатын аңғартса керек.
Рашида ОТАР,
С.Мұқанов пен Ғ.Мүсіреповтің әдеби-мемориалдық музей кешенінің ғылыми қызметкері
Алматы