Атқарылған істер елеулі де еңселі
<p style="text-align: justify;">Жаңаруға, сапалануға бет түзеген елімізде әр сала жауапкершілік жүгін сезінеді. Мысалы, көрген кино, оқыған ақпарат, жаңғыртылған ескерткіш, басылған кітап, орындалған ән-күй, қоғамды жұмылдырған еріктілер қозғалысы, т.б. – барлығы сана-сезімге із қалдырмай қоймайды.</p>
Мәселен, 2024 жылы Мәдениет және ақпарат министрлігінің қолдауымен 15 киножоба мәресіне жетіп, 16 ұлттық фильм прокатқа шығыпты. Айтарлықтай көрсеткіш емес пе? Шығып жатқан қаншама кітап бар. Ашылып жатқан креативті хабтардың қай-қайсына барсаңыз да, өнер мен мәдениеттегі жаңалықтардан көз тұнады. Бұлардың бәрі – рухани әлеміміздің басты қорегі. Қазір жай ғана тамашалап кеткенімізбен, ол қоғамның рухани деңгейін көтеріп жатқаны сөзсіз. Адамзат өмірінен мәдениет пен ақпаратты алып тастаса, ешқандай мән-мағына қалмас еді. Бұл салада атқарылып жатқан істер елеулі де еңселі. Мұның дәлелі – төмендегі нақты деректер.