Таразда 160 отбасы баспаналы болды
<p style="text-align: justify;">Бүгін Жамбыл облысының әкімі Ербол Қарашөкеев тұрғындарға баспана кілттері мен тұрмыстық техниканың сертификатын салтанатты түрде табыстады, деп хабарлайды <a href="/" target="_blank" rel="noopener noreferrer">Egemen.kz</a>.</p>
Баспанаға 2012-2015 жылдары аралығында кезекке тұрған көпбалалы аналар, толық емес отбасылар, ІІ топ мүгедектері, жетім балалар және ҰОС теңестірілген азаматтар қол жеткізді.
Облыс әкімінің баспасөз қызметінің мәліметінше «Ұлы дала» шағынауданында орналасқан №26 үйдің жалпы ауданы 9 600 шаршы метрді құрайды. 160 пәтерлі (2 бөлмелі) көпқабатты тұрғын үйдің құрылыс жұмыстарын «Aulet Stroy Taraz» ЖШС-сы жүргізген.
Облыс әкімі халықпен бірге үйлерді аралап, сапасын тексерді. Бұдан соң сол үйдің маңына 20 түп ағаш отырғызылды.
