Алматы облысындағы су басқан жол тазартылды
<p style="text-align: justify;">Бүгін сағат 11: 00-де Алматы облысындағы Ұзынағаш ауылы маңында сүзгі алқаптарының қорғаныс бөгеті бұзылған еді, деп жазады <a href="/" target="_blank" rel="noopener noreferrer">Egemen.kz</a>.</p>
Салдарынан «Ұзынағаш ауылына кіреберіс» жолының 3-шақырымын су басып қалған. «ҚазАвтоЖол» ҰҚ» АҚ тасқын судың ені 100 метр, биіктігі 5 см-ге жеткенін хабарлады.
Төтенше жағдайдан соң суды бұру үшін жедел арық жүйесі жасалып, ағын өзенге бағытталып, жол жиегін нығайту және жолды тазарту жұмыстары жүргізілген.
Осы істі атқаруға 10 адам және 5 техника жұмылдырылған.
«ҚазАвтоЖол» сағат 13:30-да судың тасуы тоқтатылып, қозғалыс толық қалпына келтірілгенін мәлімдеді. Жол бұзылмаған. Ондағы қауіпсіздік компания тарапынан бақылауға алынған.