Мың құсқа ұя жасады
<p style="text-align: justify;">Алматы облысында «Таза Қазақстан» жобасы аясында халықаралық құстар күніне орай экологиялық акция өтті. Оған сту­дент­тер мен мектеп оқу­шылары белсене атсалысып, өңір экожүйесін қор­ғауға өз үлестерін қосты. Соның бірі Қонаев қала­сының көпсалалы коллед­жінің базасында ұйымдас­тырылды.</p>
Табиғи ресурстар және табиғатты пайдалануды реттеу басқармасына қарасты орман шаруашылықтарының қолдауымен колледж студенттері өз қолдарымен 1 000 құсқа ұя жасап, оларды білім беру мекемелерінің аумағына оқушылармен бірге орнатты. Осылайша, құстарға жаңа әрі қауіпсіз ұя салатын орындар жасалды.
«Taza Like» акциясы бір ай бойы жалғасып, Алматы облысының 9 ауданын қамтитын болады. Акцияның басты мақсаты – табиғатқа ұқыпты қарауды насихаттау, экологиялық мәдениетті дамыту, қоршаған ортаға жауапкершілікпен қарауға тәрбиелеу.
«Қоршаған ортаны қорғау, құстарға жанашырлық жасау сынды экологиялық сана балалық шақтан қалыптасады, табиғатқа қамқорлық – болашаққа жасалған инвестиция», дейді акцияны ұйымдастырушылар.
Алматы облысы