Теректіде жаңа мектеп ашылды
<p style="text-align: justify;">Ұлытау облысының Теректі стансасында 80 орындық жаңа мектеп ашылды, деп хабарлайды <a href="/" target="_blank" rel="noopener noreferrer">Egemen.kz</a>.</p>
Көптен күткен қуанышқа мектеп мұғалімдері, оқушылар ғана емес, ата-аналар да келді.
Білім ошағының салтанатты ашылуына облыс әкімі Дастан Рыспеков қатысып, құттықтады.
Мектеп қос қабаттан тұрады. Пән кабинеттері бүгінгі заман талабына сай қажетті оқу құралдармен жабдықталған. Білім алушылардың жан-жақты дамуына ықпал ететін зертхана, кітапхана, спорт залы бар.
Күзде жаңа оқу жылынан бастап мектеп ішінде 25 балаға арналған шағын орталық ашылады. Онда 3-6 жастағы балғындар білім алады.
Жаңа мектептің ашылғанына қуанған ұстаздар шәкірттерге сапалы білім беруде мол мүмкіндік ашылғанын жеткізді.